BORA E PARË PO VJEN NË MAQEDONI: Ja kur dhe ku do të bjerë

Meteorologu Slavço Poposki njofton se më 2 dhe 3 tetor (e enjte dhe e premte), Maqedonia do të goditet nga një valë e fortë, me lagështi dhe dukshëm e ftohtë që do të vijë nga Evropa verilindore, përkatësisht nga Rusia.

Ky depërtim do të shkaktojë shira të rrëmbyeshëm, erëra të forta veriore dhe temperatura shumë të ulëta që nuk janë tipike për fillimin e tetorit. Sipas Poposkit, temperaturat do të jenë madje 15 gradë nën mesataren për këtë periudhë, që është një anomali serioze negative.

“Me depërtimin e kësaj vale të ftohtë, në vendet më të larta dhe malet shiu do të shndërrohet në borë, dhe atje do të formohet mbulesa e parë e borës së sezonit. Pritet që lokalisht në male të bjerë më shumë se 30 centimetra borë. Është e mundur që bora të shfaqet edhe në vendet më të ulëta nën 1000 metra mbi nivelin e detit, që do të thotë se disa nga qytetet më të larta, veçanërisht në pjesët perëndimore dhe veriore të vendit, mund të marrin borën e tyre të parë”, shpjegon Poposki.

Gjatë këtyre dy ditëve, temperaturat ditore do të mbeten jashtëzakonisht të ulëta – midis 3 dhe 11 gradë, ndërsa në zonat malore do të ketë temperatura nën zero dhe shfaqje të akullit.