Shkëndija drejt Bullgarisë, 90 minuta e ndajnë nga garat në grupe në Ligën Evropa
Shkëndija drejt Bullgarisë, 90 minuta e ndajnë nga garat në grupe në Ligën Evropa
Ekspedita e Shkëndijës, lojtarët dhe stafi i trajnerëve, me autobusin e klubit, u nisën për në Razgrad, ndërsa Sofja do të jetë si një ndalesë.
Sonte, ekspedita e kampionit të Maqedonisë në futboll, do të kalojë natën në kryeqytetin e Bullgarisë, në mënyrë që nesër të udhëtojë për në Razgrad, ku do të zhvillojë një seancë stërvitore zyrtare në stadiumin e Ludogoretcit gjatë ditës së mërkurë.
Është e qartë se nëse Shkëndija eliminon kampionin bullgar, do të luajë në fazën e Ligës Evropa dhe e kundërta, nëse eliminohet ka të sigurt garat në grupe në Ligën e Konferencës.
Kujtojmë se të enjten në orën 19:30 në stadiumin e Razgradit, kampioni i Maqedonisë, Shkëndija, do të luajë kundër Ludogorecit, në ndeshjen e dytë të play-off-it të Ligës së Evropës. Sfida e parë në Shkup u mbyll me fitore 2-1 për kuqezinjët.
