▪️ Miku i tij shqiptar u vra në Belgjikë, reagon Van Damme: Humba një mik të madh
Ndue Melyshi, një 61-vjeçar shqiptar, ka humbur jetën tragjikisht pasi u qëllua për vdekje me armë zjarri para dy ditësh nga qeramarrësi i tij pas një konflikti në lagjen Itterbeek në Anderlecht, Belgjikë.
Ndueja ishte pronar i kafenesë së njohur lokale “Maison Haute”.
Lidhur me këtë ngjarje, ka reaguar aktori i njohur Jean Claude Van Damme në rrjetin social facebook. Nga një spital në Francë, ku tha se po shërohej nga një operacion në shpinë, Van Damme u ngrit në këmbë dhe bëri simbolin e shqiponjës në nder të 61-vjeçar shqiptar dhe gjithë Shqipërisë.
Nëpërmjet postimit të tij, Van Damme i shprehu ngushëllime familjes së mikut të tij Ndue Mylyshi, i njohur edhe si Noel.
“Përshëndetje miqtë e mi anembanë botës.
Sapo kam humbur një mik të madh, Noel Mylyshi nga Shqipëria. Rrethanat ishin shumë të vështira – nuk dua të hyj në detaje – por dua t’i shpreh gjithë ngushëllimet dhe dashurinë time familjes së tij.
Jam ende duke u rikuperuar këtu në Francë pas një ndërhyrjeje të vogël në shpinë, dhe shpresoj që pas disa javësh të jem mjaftueshëm i fortë. Po çohem të bëj simbolin e famshëm të Shqipërisë në nder të tij”, shkruan aktori i njohur Jean Claude Van Damme.
